From the Heliand:
Ðe Fadar ûsa
Fadar ûsa | firiho barno,
1601 thu bist an them hôhon | himila rîkea,
geuuîhid sî thîn namo | uuordo gehuuilico.
Cuma thîn | craftag rîki.
Uuerða thîn uuilleo | ob=ar thesa uuerold alla,
1605 sô sama an erðo, | sô thar uppa ist
an them hôhon | himilo rîkea.
Gef ûs dago gehuuilikes râd, | drohtin the gôdo,
thîna hêlaga helpa, | endi alât ûs, heb=enes uuard,
managoro mênsculdio, | al sô uue ôðrum mannum dôan.
1610 Ne lât ûs farlêdean | lêða uuihti
sô forð an iro uuilleon, | sô uui uuirðige sind,
ac help ûs uuiðar allun | ub=ilon dâdiun.
